MUSIKA HEZKUNTZA

Martin eta Sara /Oboe eta Biolin bikotea

2012-02-01T22:21:00.001+01:00

Hona hemen LH 5. mailako bi ikasle trebe: Martinek Oboea jotzen du, eta Sarak Biolina.
Aurreko astean kontzertu txiki bat eskeini zieten bere gelakideei musika saioan.
Zorionak zuen ausardiagatik eta musikaz gozatzen jarraitu.

URTE BERRI ON!

2011-12-31T11:56:00.008+01:00

Musika mintegiak, bideo honen bitartez, Urte Berri On bat opa dizue ikastolako partaide guztioi.

Leioako Kantika Koralak Madrilgo Jauregi Errealaren kaperan Eguberrietan eskeinitako kontzertua da.

ABESBATZAKO OHARRA

2011-12-21T22:45:00.001+01:00

Abenduaren 23ko kontzertua bertan behera utzi da.

ABESBATZAKO KONTZERTUAK

2011-12-19T22:54:00.000+01:00

Atzo, Paz de Ziganda Ikastolako Abesbatzak Eguberrietako kontzertu bat eman zuen Jesuitas Elizan. Jende pila elkartu zen gure abeslariak entzutera eta benetan oso ongi egin zutela.
Abenduak 23an, ostirala, Nafarroako Abesbatzen Elkarteak antolatuta, beste kontzertu bat emango dute S. Fco. Javier Elizan 20:00etan. Denak gonbidatuak zaudete!

TOLOSAKO ABESBATZA LEHIAKETA

2011-10-23T22:39:00.006+02:00

Urriaren azkeneko asteburu honetan, urtero bezala, abesbatza lehiaketa izango da Tolosan. Igande goizean haur abesbatzek parte hartuko dute eta hoietako bostek kontzertu ezberdinak emango dituzte Nafarroako zenbait tokitan. Munduko leku desbedinetatik datoz eta oso maila altua daukate. Kontzertu guztiak dohainik izango dira eta azken abesbatza bereziki, Cantemus children´s choir (argazkian agertzen dena), ezin duzue galdu.
Hau da aste honetako kontzertu plangintza:

URRIAK 25, asteartea
ERRIBERRI. Las Clarisas eliza (20:00). CĒSIS GIRLS` CHOIR (Letonia)
URRIAK 27, osteguna
TAFALLA. San Pedro eliza (20:00). CHILDREN’S CHOIR ST. PETERSBURG (Errusia)
URRIAK 28, ostirala
ANTSOAIN. Antsoaingo antzokia (20:00). WOLFRATSHAUSER KINDERCHOR (Alemania)
URRIAK 29, larunbata
BURLATA. Kultur etxea (20:00). CHILDREN’S CHOIR ST. PETERSBURG (Errusia)
URRIAK 30, igandea
ERRIBERRI. Las Clarisas eliza (20:00). LOBOC CHILDREN’S CHOIR (Filipinas)
TUTERA. Carmen eliza (20:00). WOLFRATSHAUSER KINDERCHOR (Alemania)
AZAROAK 3, osteguna
IRUÑEA. Kristo Errege eliza (20:00). CANTEMUS CHILDREN’S CHOIR (Hungría)

ABESBATZAREN AGURRA

2011-06-19T18:10:00.013+02:00

Lehenik eta behin zoriondu nahi zaituztet abesbatzako guztiak asteazkenean erakutsitako profesionaltasunagatik. Goizean, ikastolan, kontzertu bat eman ondoren Laskorain ikastolako abesbatzakoekin, arratsaldean ere, Civivoxen, izugarri ondo abestu zenuten. Arratsaldekoa, abesbatzak inoiz eman duen kontzerturik luzeena eta konplikatuena izan zen eta hala ere kontzentrazioa eta afinazioa ordu osoan zehar mantendu zenuten. Hori ez da batere erraza zuen adineko neska mutilentzat!

Lan handia egin duzue aurten eta hori berehala somatu zuen publikoak: ahotsak oso ongi kolokatuak zeuden, zuen aurpegiek hainbestetan ensaiatutako sentimendu desberdinak erakusten zituzten, afinazioa izugarria izan zen kontzertu osoan zehar, nahiz eta ikaragarrizko beroa egin... Jendea liluratuta atera zen Civivoxetik! Emakume batek kontzertua baino espektakulo bikaina zela esan zidan amaitzerakoan!!! Oso kritika onak jaso nituen.

Tamalez, urtero bezala, azken kontzertu honekin agur esan behar diegu zenbait ikasleri. Aurten, Josu Orla eta Aritz Oroz, nire laguntzaile amorratuak, badihoaz ikastolatik. Hainbestetan lagundu didazue trasteak hemendik hara eramaten, beti hain arduratsuak entsaioetara etortzeko... Inoiz ez duzue irrifarrea galdu, nahiz eta azken urteetan zuen ahotsek izaten ari zituzten aldaketa fisikoek ezindu kanta gehienetan abestea. Eskerrak eman nahi dizkizuet entsaioetan pazientzia handia izan duzuelako, eta zuen ahotsetaz asko ikasi dudalako. Argi dago nik izugarri botako zaituztedala faltan, baina beste batzuk ere (eta ez ditut izenak aipatu nahi...) zuen falta asko somatuko dute datorren urtean, je, je... Hemendik aurrera, gure publikoaren artean zuen aurpegiak ikustea espero dut.

Bukatzeko, mila esker, benetan, oparitutako lore sorta eta lepokoarengatik, izugarri gustatu zitzaizkidan. Ondo pasa udan eta pilak kargatuta itzuli, oso abesti politak baititut datorren ikasturterako!!!! Ziur naiz gustokoak izan behar dituzuela!! (Hona hemen aurrerapen txikia)

Argazkiak ikusteko klikatu hemen.

KONTZERTUA CIVIVOX ITURRAMAN

2011-06-14T22:59:00.008+02:00

Bihar, ekainak 15ean, Paz de Ziganda Ikastolako Abesbatzak kontzertu bat emango du Civivox Iturraman arratsaldeko 19:30ean. Sarrerak doainik dira eta 18:30ean jaso ahalko dituzue.

J.S. Bach, Tocata eta Fuga Re minorrean

2011-04-13T19:38:00.003+02:00

Hona hemen Juan Sebastian Bach konposatzailearen obra ospetsua jarraitzeko modu bitxia.

PAZ DE ZIGANDA IKASTOLAKO ABESBATZAK KONTZERTUA EMANGO DU MADRILEN

2011-04-05T19:12:00.024+02:00

Eguna: 2011ko apirilak 8, ostirala.

Ordua: 19:30ean.

Lekua: San Inazio eliza, Principe kalea, 31.

Antolatzailea: UCMko Euskara saila.

Babeslea: Etxepare Institutua.

Atarrabiako Paz de Ziganda Ikastolako Abesbatzak, 53 haurrez osatua eta Ainhoa Sarriguren irakaslearen zuzendaritzapean, kontzertua emango du apirialaren 8an. Madrilgo Complutense Unibertsitateko euskara sailak eta Euskal Etxeak antolatutako kontzertua San Inazio elizan izango da arratsaldeko zazpi t´erdietan. Jarraian partaide guztiak Euskal Etxean afalduko dute.

PAZ DE ZIGANDA IKASTOLAKO ABESBATZAREN IBILBIDEA

Paz de Ziganda Ikastolako Abesbatza 9 eta 16 urte bitarteko neska mutil talde baten ahots musikarako zaletasuna bultzatu asmoz sortu zen. Abesbatzak, 2010ean, Nafarroa Oinezeko kantaren grabaketan parte hartu zuen. Gayarre Antzokian ospatutako San Fermin eta Paz de Ziganda Ikastoletako 40. urteurrenan abestu zuen. Euskaltzaindiaren omenez egindako ageriko ekitaldian ere parte hartu zuen. 2011an Nafarroako Gobernuko Hezkuntza sailak antolaturiko “Ahotsa haurtzaroan eta nerabezaroan” ikastaroan koru piloto gisa aritu da Errenteriako Orereta Abesbatzaren zuzendaria den Imanol Elizasuren zuzendaritzapean. Paz de Ziganda Ikatolako Abesbatzak Iruñean eta Nafarroako nahiz Gipuzkoako herri desberdinetan eman ditu kontzertuak.

IKASTOLAKO ABESBATZA IMANOL ELIZASUREN ZUZENDARITZAPEAN

2011-02-27T16:23:00.019+01:00

Azken bi aste hauetan Paz de Ziganda Ikastolako Abesbatzak, CAPekoek musika irakasleentzako antolatutako ikastaro batean parte hartu du. "Ahotsa haurtzaroan eta nerabezaroan" izenburu duen ikastaro honen irakaslea Imanol Elizasu izan da, Errenteriako Orereta Txiki, Orereta eta Oinarri abesbatzetako zuzendaria, hain zuzen ere.

Lehenengo bi saioetan, Imanolek, abesbatza osoarekin egin zuen lan. Saio bakoitzean 2 ordu, 2 ordu t´erdi eman zituen lanean atsedenik hartu gabe. Ikasleek izugarri gozatzeaz gain, asko ikasi zuten eta oso lan serioa egin zuten. Imanolek, bere aldetik ere, arnasketa eta gorputz-jarrera egokiak, ahotsaren kolorea... landu zituen. Bere animo eta hitz goxoek izugarri motibatu zituzten ikasleak hasiera hasieratik, eta hauen erantzuna apartekoa izan zen.

Musika irakasleontzat, kriston aukera izan da Imanol lanean ikustea; nik behintzat, asko ikasi dut.

Hona hemen egindako lanaren adibide batzuk:

Argazkiak ikusteko klikatu hemen.

"ANALFABIA PLANETA" Eskola kontzertua

2011-02-18T16:32:00.002+01:00

Bihar Baluarte auditoriora joango gara Lehen Hezkuntzako 5. mailako ikasle-irakasleak "Analfabia Planeta" kontzertu didaktikoa emanaldira.
Emanaldia 11:30 etan hasiko da eta ordu bete iraungo du.
Sarrera honetan bertan Ikasle batek egindako kronika publikatuko dugu.
Nafarroako gobernuak antolatutako kontzertuei buruzko Informazio gehiago irakurtzeko klikatu HEMEN
Noticias de Navarra egunkariko BERRIA

Baluarteruntz Sarasaten

Baluarteko atarian I

Baluarteko atarian II

Kontzertua aurretik

Abeslariak prest

Paz de Zigandako haurrak kontzerturako prest

Orkestraren zai

KONTZERTU OSO INTERESGARRIA!!!!!

2010-11-11T15:05:00.014+01:00

Datorren asteartean, azaroak 16, arratsaldeko 20:00etan, Orereta Abesbatzakoek kontzertu bat emango dute Burlatako Kultur Etxean. Kontzertuak 6€ balio ditu. Garestia irudituko zaizuen arren, pena merezi du abesbatza hau zuzenean ikus eta entzuteak.
Orereta Abesbatza, Jose Luis Ansorenak sortu zuen 1968an eta orduz geroztik lan diziplinatua burutu du koru kanturako heziketan.
Grabatu dituen diskak honako hauek dira: 1978an “Eguberri Abestiak”, 1991n, “Oi Betleem” Euskadiko Orkestra Sinfonikoarekin eta 1999an sehaska kanten grabaketa. 2004ko uztailean, Islandian (Kópavogur) burututako Europa Cantat Haur eta Gazteentzako Nazioarteko Kantu Astean hartu zuen parte. Uda honetan 'Shaoxing World Choir Games' delakoetan 2 zilarrezko domin irabazi dituzte.

SARRERAK LORTZEKO KLIKATU HEMEN. ANIMA ZAITEZTE!!!

MUSIKA TEXTURAK

2010-10-27T18:07:00.005+02:00

Aurreko astean DBH 3. mailako ikasleak Musika Texturak lantzen ibili ziren. Ah, ze lan politak sortu zituzten! Batzuk kontzertu batean aurkezteko modukoak! Denak ezin ditudanez jarri, hona hemen Jokin, Xabier, Aitor, Adriana eta Idoiak prestatu zuten ariketa. Bikaina, ezta? Xabier perkusionista profesionala dirudi!

TOLOSAKO ABESBATZA LEHIAKETA

2010-10-24T19:50:00.006+02:00

Abesbatza lehiaketa hau urtero ospatzen da Tolosan eta urteen joanarekin, munduko abesbatza lehiaketa garrantzitsuenetako batean bihurtu da.
Aurten, haurren abesbatzek, urriak 31, igandean, goizeko 11:00etan hartuko dute parte (sarrerak urriak 15ean jarri ziren salgai). Hala ere, Tolosara joateko gogorik ez dutenek, urriak 28an, Iruñeako Kristo Errege Elizan, arratsaldeko 20:00ean eta dohainik, "Cantemus children´s choir" hungariar abesbatza entzuteko aukera izango dute. (Abesbatza honetako haurrek, 1978tik gaur egun arte, 20 Lehenengo Sari baino gehiago eta zenbait Grand Prix (Sari Nagusia) jaso dituzte).

Gehiago jakiteko klikatu hemen.

BERRIRO ERE MARTXAN

2010-10-19T15:35:00.007+02:00

Kaixo guztioi,

Nahiz eta zertxobait berandu, berriro ere martxan jarriko dugu musika bloga. Badakit azkeneko boladan zuetariko asko sartu zaretela eta ezer berririk ez duzuela aurkitu. Eta horregatik barkamena eskatu nahi dizuegu.
Kurtso berri honi hasiera emateko hementxe uzten dizuet munduko kaleetan zehar grabatutako bideo bat:

ABESBATZAREN KURTSO HASIERA

2010-08-30T18:17:00.006+02:00

Oroitarazten dizuet, aurten Nafarroa Oineza dela eta, abesbatzako entsaioak irailak 1ean goizeko 12:00etan hasiko ditugula.
Garrantzitsua da hemen zaudeten guztiak agertzea!!!

ABESBATZAREN AGURRA

2010-06-12T12:53:00.008+02:00

Urtero bezala, ekaina ailegatu eta abesbatzakoek agur esaten diogu elkarri hurrengo ikasturtearte. Eta baten batek, Anaisek eta Irenek bezala, betirako. Egia da urte asko izan direla elkarrekin eta pena handia ematen didala horrelako abeslari eta pertsona bikainak galtzea. Hala ere, Nafarroa Oinezerako zuekin kontatzea espero dut!!!

Zoriondu nahi zaituztet guztiak, aurten egindako lanarengatik! Ez dakizue ze nolako suertea dudan horrelako abesbatza baten zuzendari izanda, ezin nuen lan talde hobeagoa lortu!!! Izugarri hobetu duzue ikasturte honetan, bai afinazioan (Sakuraren sarrerak eta Niska Banjaren amaierak eman diguten lana), bai pianisimoak eta benetazko foteak lortzen (Dubularen abestia Virgen del Río parrokian ez dut uste nire bizitza osoan ahaztuko dudanik) eta beharbada, abesbatza batentzat zailena den horretan, empastean, ere bai. Ahots teknikako klaseek eragina izango zuten???

Bukatzeko eskerrak eman nahi dizkizuet Luisen eta nire partetik atzoko bi lore sortengatik. Ondo abesteaz gain, ze nolako detalleak dituzuen... MILA ESKER BIHOTZ BIHOTZEZ!!!

Kontzertuko argazkiak ikusteko klikatu hemen.

ABESBATZA AMMA MUTILBAN

2010-06-09T21:12:00.005+02:00

Aurten ere, Amma Mutilba zaharretxera joan gara abesbatzakoak. Iaz bezala, kontzertua amaitzean, abesbatzako batzuk hango agureak beren logelatara lagundu dituzte. Argazkietan ikusiko dituzue oparitu dizkiguten txanoak... ze arrakasta izan duten batzuen artean!!! (ez ezazue galdu Anais, Linatxo eta Ireneren argazkia). Argazkiak ikusteko klikatu hemen.

ABESBATZA VIRGEN DEL RÍO PARROKIAN

2010-06-05T19:58:00.007+02:00

Atzo Nafarroa Oinezeko leloa gidaritzat harturik, Paz de Ziganda Ikastolako Abesbatzak eta Gurasoen Abesbatzak kontzertu bat eskeini genuen Virgen del Río parrokian. Kontzertuan herrialde desberdinetako kantak abestu genituen. Eliza jendez gainezka zegoen eta txalotu zutenagatik, nik uste, gustokoa izan zutela.

Argazkiak ikusteko klikatu hemen.

ABESBATZAK DATORREN ASTEKO KONTZERTURA GONBIDATZEN ZAITUZTE

2010-05-23T23:47:00.003+02:00

KLASIZISMOAREN ENTZUNALDIAK

2010-05-20T20:30:00.002+02:00

Hementxe dituzue datorren asteko azterketan sartuko zaizkizuen entzunaldiak.

1)MOZART: 40. Sinfonia

2)MOZART: Gaueko erreginaren aria

3)MOZART: Requiem (zatiak)

4)HAYDN: 101. Sinfonia (erlojua)

5)BEETHOVEN: 5. Sinfonia

ABESBATZA TOLOSAN

2010-05-18T19:46:00.007+02:00

Gaur, Paz de Ziganda Ikastolako Abesbatzakoak, Tolosara joan gara egun pasa. Urtero bezala, Laskorain Ikastolako Abesbatzakoekin kontzertu bat eman dugu, baina aurten ikastolan bertan egin beharrean, aldameneko zaharretxe batetan abestu dugu. Bi abesbatzak haunditzen joan dira azken hiru urtetan eta nahiko larri ibili gara Niska Banja elkarrekin abesteko, ez baikinen aldarean sartzen. Hala ere, publikoa ezin hobea izan da, izugarri disfrutatu eta asko txalotu dute.

Kontzertua bukatzerakoan, Laskorainera jeitsi eta hamaiketakoa eskeini digute. Ze nolako txistorra bokatak! Batzuk ziotenez, beren bizitzan jan dituzten hoberenak!!! Gero, hantxe ibili gara, batzuk futbolean, beste batzuk dantzan... Konturatu orduko itzultzeko ordua egin zaigu eta pena handiz, bueltan etorri gara Atarrabiara; baina hori bai, datorren ikasturtean berriro ere itzultzeko asmoz.

Argazki guztiak ikusteko klikatu hemen.

MUSIKOENTZAKO MARRAZKI BIZIDUNAK

2010-05-14T19:04:00.001+02:00

ERRITMO ARIKETA

2010-05-09T20:58:00.008+02:00

Hementxe duzue azken 2 saioetan DBH 3. mailakoekin egindako erritmo ariketa. Oraingo honetan 3Cko ikasleek jotzen dute. Pena, kameraren aurrean hainbeste moztea, entsaioetan "koreografiarekin" egiten baitzuten.

Paz de Ziganda Ikastolako Abesbatza Gaiarre Antzokian

2010-05-05T12:31:00.001+02:00

Argazkiak tamaina handian ikusteko klikatu hemen.

IKASTOLAKO ABESBATZA GAYARREN

2010-04-26T19:40:00.006+02:00

Asteburu honetan oso lanpetuta ibili gara abesbatzakoak. Larunbatean, San Fermin eta Paz de Ziganda ikastoletako 40. urteurrena zela eta, 2 abesti kantatu genituen Gayarre antzokian: Nere herriko neskatxa maite eta Niska Banja. Lekurik aproposena izan zen Nafarroa Oinezeko kamiseta berriak estreinatzeko. Ikasleek primeran abestu zuten, ez zuen ematen urduri zeudenik ere, eta sinets iezaidazue, eszenatoki horretara igotzeak asko inposatzen du. Hala ere, profesionalak bailiran izugarrizko kontzentrazioarekin kantatu zuten, afinazioa ikarragarria izanik eta arnasketa eta ñabardura guztiak esandako lekuetan eginik. Azkeneko astetan sartutako ordu extra guztiek bere fruitua izan zuten... zenbat alditan errepikatuko genuen ostegunean nere herriko abestiaren lehenengo bi notak??? eta Niska Banjaren azken 3 konpasak???

Nerea eta Teresak, ezin izan zuten abestu han egon arren, baina abesbatzako guztien izenean, han izandako arrakasta ere zuena dela esan nahi dizuet. Gauza bera diotsuet, asteburua kanpoan eman behar izan duzuenoi.

Igandean, ariketa osagarrien egunean, ikastolan abestu genuen. Gure kontzertuko ardatza MUNDUZ MUNDU leloa izanik, Amaia eta Iñaki Ainziburuk, ipuin bat irakurri zuten herrialde desberdinetako abestiei sarrera emateko. Bost hizkuntza desberdinetan abestu genuen: euskeraz, serbieraz, frantsesez, japonieraz eta gaztelaniaz. Itxasne gaixoari eztula eman zion abesti batean... ahaztuko zituen Hondarrabiko bidaiaren ondorioz erosi behar izan zituen pirulak???

Ez dut amaitu nahi ondoko pertsona hauei eskerrak eman gabe: Kikeri, hain ondo abesteagatik, Josuri, Djembea jotzeagatik, eta Luis eta Irantzuri, pianoan eta biolan laguntzeagatik.

ZORIONAK GUZTIOI!!!

Argazkiak ikusteko klikatu hemen.

NAFARROA OINEZEKO ABESTIA GRABATZEN

2010-04-17T18:00:00.005+02:00

Atzo arratsaldean Nafarroa Oinezeko abestiaren estribilloa grabatu zen ikastolan. Bi kamara, soinu teknikari bat eta Ismael Yague (abestiaren konposatzailea) etorri ziren abesbatzako ikasleak grabatzera. Ordu batean, musika gelan, grabazio estudio bat montatu zuten: mikroak, kableak, aurikularrak, , fokoak…
Abesbatzakoek izugarrizko jarrera ona erakutsi zuten grabazioak iraun zuen bi orduetan. Abestia behin eta berriro errepikatu arren ez zuten irrifarrea galdu momentu batean ere.

MILA ESKER GUZTIOI! GUSTOA EMATEN DU ZUEKIN LAN EGITEA!!!

Argazki gehiago ikusteko klikatu hemen.

Peter & the wolf

2010-04-16T17:06:00.006+02:00

Gaiarre antzokian egon gara 5. mailako ikasleekin batera "Peru eta Otsoa" Eskola kontzertuan.
Nafarroako Orkestra Sinfonikoaren eskutik, eta Carl Davis maixuaren zuzendaritzapean, Sergei Prokofiev konposatzailearen obra ospetsu hau entzun eta Suzie Templetonek egindako laburmetraia ikusi dugu. Aipagarria da 2008 urtean Templetonek "oscar saria" lortu zuela animazio honekin bere kategoriako filmeen artean.

MUSIKARI BIKAINAK LH 5. MAILAN

2010-03-31T21:07:00.004+02:00

Gaur goizean LH 5.A gelakoek saio polit bat eskeini digute antzerki gelan bildutako ikasle eta irakasleei.
Musika emanaldi desberdinak entzuteko aukera izan dugu: Jon Vital (argazkian agertzen dena) saxoarekin, Eneko Muniain eta Jon Urteaga txirulekin, Ainhoa, Irene eta Saioa zeharkako txirula, txistua eta teklatuaren. Hip hop estiloan, Maria, Marina, Saioa, Irati eta Itsasok dantza bat prestatu dute. Garazi, Saioa Azkoitia eta Leirek aldiz, tango "berezi" bat dantzatu dute. Rubenek, Marinaren laguntzarekin papiroflexia zer den azaldu digu eta egindako figura batzuk erakutsi dizkigu. Eneko Petri, Aritz, Xabier eta Dabidek, Leo Messiren antza handiarekin, je,je... baloiarekin toke batzuk egin dizkigute. Martinek txiste batzuk kontatu dizkigu. Bukatzeko, Saioa eta Maritxuk aho zabalik utzi gaituzte han bildutako guztiak prestatutako soinketa saioarekin.

ZORIONAK GUZTIOI, OSO ONGI EGIN BAITUZUE!!! HORRELAKOAK GEHIAGOTAN EGITEA ESPERO DUT!!!

MUSIKA BARROKOAREN ENTZUNALDIAK

2010-03-15T15:14:00.004+01:00

Hauek dira DBH 3. mailan memoriz ikasi behar dituzuen entzunaldiak:

HAENDEL: El Mesias (Aleluya)

J.S. BACH: 147. Kantata

J.S.BACH: 2. suitea

J.S. BACH: Toccata eta fuga

VIVALDI: Lau urtaroak (Udaberria)

EGUNKARIA, MUSIKA INSTRUMENTUA?

2010-03-13T12:18:00.008+01:00

Atzo DBH 3.Ckoek egunkari baten orri batekin musika lan bat konposatu zuten. Batzuk hasieran erotuta negoela pentsatu bazuten ere, bereziki orriak banatu eta bakoitzari instrumentu bat ematen niela esaterakoan, klase amaieran gehienak ondorio berdinera ailegatu ziren. Hona hemen ondorio hoietako batzuk:
“Gaurko klasea gustatu zait, dibertigarria izan da eta edozein objeturekin, paperarekin ere, musika egin daitekeela ikasi dut.” IÑIGO ARANGUREN
“Gaurko klasean edozein objeturekin musika egin daitekeela ikasi dugu. Klase hasieran ez nuen uste egunkari batekin hainbeste soinu egin zitekeenik.” MAITE OZKOIDI
“Hasiera batean ez nuen uste egunkari bat instrumentu bat izan zitekeenik. Beraz, gero, zerbait berria ikasi dut eta gustokoa izan dut.” IÑIGO LIZARRAGA

Hemen duzue atzoko klaseko filisofia berdinarekin, hau da, edozein objeturekin musika egin daitekeelaren ideiarekin, egindako musika lan bat.

DBH 1B ikasleak Musika Gelan

2010-03-10T14:03:00.003+01:00

FARINELLI, AZKENEKO IRENDUA

2010-02-22T19:17:00.006+01:00

1994an Gérard Corbiauek bere hirugarren pelikula, "Farinelli il castrato" zuzendu zuen. Bertan Carlo Broschiren edo Farinelliren (castratirik ezagutuenaren) bizitza azaldu zuen. Castratiak, gelan ikasi dugun bezala, haur ahotsa mantentzeko irendutako abeslariak ziren. Fama handikoak izan ziren Barrokoan bereziki.

Pelikula honetako arazorik larriena castrato baten ahotsa lortzea izan zen. Horretarako, Corbiauek, Pariseko IRCAMeko laborategietan soprano (emakume) eta contratenore (gizon) baten ahotsak nahasi behar izan zituen.

Bideo honetan pelikularen zatiak ikusten dituzuen bitartean, Haendelen Rinaldo operaren ariarik famatuena entzungo duzue: “Lascia ch’io pianga”.

LHko IKASLEENTZAKO KONTZERTUA GAUR BALUARTEN

2010-02-19T11:01:00.007+01:00

Gaur, Baluarten, "El laboratorio del Dr. Fausto" deituriko musika ikuskizun berezia eskeiniko da 19:30ean. Bertan mago entzutetsuaren historia eta honek deabruarekin eginiko akordioei buruzko dantzatzeko ipuina taularatuko da. Ikuskizuna Nafar Gobernuaren Kultura eta Turismo Departamentuak antolatzen duen Kontzertuak Familian zikloaren baitan kokatzen da. Musika Nafarroako Orkestra Sinfonikoaren eskutik helduko da eta Madrilgo Dantza Goi-Kontserbatorioko dantzariek musika dantzatuko dute. José Antonio Montaño maisuak zuzenduko duen ikuskizunak Fernando Palacios-en musika eta gidoia eta Alessandra Panzavolta-ren koreografia eta zuzendaritza eszenikoa du. "El laboratorio del Dr. Fausto" 8 eta 12 urte bitarteko haurrei eta helduei zuzendua dago.

CARMINA BURANA ASTEBURU HONETAN BALUARTEN

2010-02-10T20:50:00.007+01:00

Asteburu honetan CARL ORFF-en Carmina Burana musika lana datorkigu Iruñeako Baluertera La Fura dels Baus taldearen eskutik. Donostian udan ikusi zutenek izugarrizko kritika onak egin zizkioten eta nik dakidala gaur arratsaldean oraindik bazen sarreraren bat saldu gabe. Beraz, gustokoa baduzue, etzazue bi aldiz pentsatu!

Hona hemen Baluartek eskeintzen duen ikuskizunaren laburpen txiki bat: "La fura dels Baus-ek sinatu eta Iruñeako Orfeoiak interpretatutako Carmina Buranak Donostiako Hamabostaldian aurkezpen arrakastatsua izan zuen eta gure eszenatokian titulu desiratuenen artean dago. 1937an Carl Orff-ek konposatu zuen Carmina Burana errepertorio klasikoko obra entzutetsu eta interpretatuenetarikoa da. Arau moralen urratze eta bizitzaren plazerren gozamenera gonbidatzen duten Erdi Aroko testu batzuetan oinarritu zen Orff instrumentazio anitz, perkusioan aberats eta ikusgarritasun handiko obra hau konposatzeko. La Furak elementu guzti hauek elkartu ditu eszenaratze harrigarri eta berritzailea duen ikuskizun hau eratzeko. Konpainiako zuzendaria den Carlus Padrissak zuzendaritza liriko arriskutsu eta txalotuenenak sinatzen ditu egun Europako opera antzoki nagusietan. Iruñeko Orfeoiak hasieratik hartzen du parte proiektu honetan eta azken urteotako denboraldi emankor eta oparoena du hau."

SANTA AGEDA

2010-02-07T18:53:00.003+01:00

Ostegunean, urtero bezala, Burlatako kaleetatik atera ginen Santa Ageda bezpera ospatzera. Ikastolan, trikitilari taldea, gaiteroak, abesbatza eta zenbait guraso eta langile elkartu ginen. Txistorra pintxo bat (edo batzuk) jan ondoren hantxe abiatu ginen kopla batzuk kantatzera.

Oraingo honetan ez dut argazkirik, baina hona hemen Mikel Belaskok, ikastolako gurasoak, youtuben txertatu duen bideoa.

BERPIZKUNDEKO ENTZUNALDIAK

2010-01-28T19:00:00.004+01:00

Hemen dituzue azterketa prestatzeko Eskatu dizkidazuen entzunaldiak. Dizuedan Esan bezala, ez bertsioak goearko gustatu zaizkit batere, horregatik batzuetarako bideoak zintzilikatu dizkizuet.
AHOTS MUSIKA erlijiosoa
Palestrina: Marcello Aita Santuaren Mezaren kyriea

AHOTS MUSIKA PROFANOA
JUAN DEL ENCINA: Hoy comamos y bebamos

EGUBERRIETAKO KONTZERTUA

2010-01-13T21:19:00.010+01:00

Hemen dituzue abenduak 22an emandako kontzertuaren argazkiak. Badakit gutxi direla, baina hurrengo baterako gehiago lor ditzakegu zuen gurasoek egiten dituztenak pasatzen badizkidazue blogera igotzeko.

OINEZ MODA DESFILEA

2009-12-17T20:55:00.017+01:00

Atzo Oinez Moda desfilea Totemen izan zen arratsaldeko 18:00etan. Beste ekintza askoren artean Ikastolako Abesbatzak "Nere herriko neskatxa maite" abestiarekin hasiera eman zion desfileari. Aipatzekoak dira atzo ikusi genituen dantza guztiak, ikusgarriak benetan!! Nolako erritmoa duten gure ikasleek!! Eta ezin ahaztu gure modelo guztiak... ze... arropa polita izango zen..., baina barruko pertxak, eh??? Desfilea, abesbatzakoek ikastolako abestia abestu zutenean bukatu zen.
Bi argazki besterik ez ditut lortu oraingoz, baina argazkilari profesionalak batenbat gehio egin zituela badakit. Lortzen ditudanean igoko dizkizuet.

MUSIKA FORMAK

2009-11-22T14:40:00.003+01:00

Hemen uzten dizkizuet bideo batzuk musika formen azterketa prestatzeko:

ESKAILERA MUSIKALA

2009-11-15T15:37:00.002+01:00

Ez dituzula inoiz eskailerak oinez igotzen? Ez zara bakarra, nik ere posible dudan bakoitzean igogailua hartzen dut... Ohitura hau saihesteko, hona hemen Wolkswagenek Estokolmon aurrera eraman duen ideia.

EUSKADIKO KONTSERBATORIOEN ORKESTRA

2009-11-07T13:31:00.013+01:00

Bideo honetan entzungo duzuen orkestra Euskadiko kontserbatorioetako 13-16 urte bitarteko ikasleek osatzen dute. Alberto Evaristo GINASTERAren, XX. mendeko hegoamerikar konposatzaile nagusienetarikoaren, "Malambo" musika lan ospetsua jotzen dute. Perkusio taldea ikusteagatik bakarrik pena merezi du.

Lehen aipatu dizuedan bezala, Ginastera, XX.mendeko hegoamerikar konposatzaile nagusienetariko bat da. 1916an Argentinan jaioa, Buenos Airesen eta EEBBetan burutu zituen musika ikasketak Aaron Copland konposatzaile famatua maisu izanik. Argentinara itzultzerakoan, Argentinako konposatzaileen liga, Agentinako Unibertsitateko Musikako Fakultatea eta La Platako Kontserbatorioa sortu zituen. Bere musika lanen artean operak, kontzertuak, ganbarako musika eta pianorako zenbait obra aurki ditzakegu. Bere ikasleen artean berriz, A. Piazzolla, tango konposatzaile famatua izenda dezakegu.
1973an, Emerson, Lake & Palmer rock taldeak bere pianoko kontzertuaren 4. mugimendua grabatu zuen Toccata izenarekin, Ginasteraren oso gustokoa izanik.

MUSIKA JOKUAK INGELERAZ

2009-11-04T19:11:00.007+01:00

Joku hauekin musika ikasten duzuen bitartean ingelera praktikatzeko aukera izango duzue. Gustoko duzuen jokuan klikatu eta hasi jolasten!

"MEMORYGAME”

“THE TIME MACHINE”

“BEETHOVEN’S BASEBALL”

“PICTURE PAINT”

IRUDIZKO BATERIA

2009-11-01T19:18:00.007+01:00

Bideo honetan, Rowan Atkinson, Mr. Bean-en papera egiten duen aktore ingelesa, irudizko bateria bat jotzen ikusiko duzue. Izugarria da soinuen eta mugimenduen arteko sinkronizazioa.

KANTU GREGORIANOAREN ENTZUNALDIAK

2009-10-15T21:16:00.002+02:00

Hona hemen Kantu Gregorianoa errepasatzeko zenbait entzunaldi:
1) Te lucis ante Terminum (estilo silabikoa)

2) Crux Fidelis (estilo neumatikoa)

3) Kyrie (estilo melismatikoa)

4)Ut queant laxis

5) Puer natus est

MONODIA PROFANOA ENTZUNALDIAK

2009-10-15T21:14:00.007+02:00

1) Alfonso X Jakintsua
Santa Mariaren Kantiga

2) Martin Codax
Cantiga de amigo

ERDI AROKO POLIFONIAREN ENTZUNALDIAK

2009-10-15T21:00:00.009+02:00

1) Organum paraleloa

2) Organum melismatikoa

3) G. de Machaut
Notre Dameko Mezaren Kyriea

ENTZUNALDIEN JOKUA

2009-10-12T18:46:00.006+02:00

Joku honetan entzunaldi bakoitzaren konposatzailea asmatu behar duzu. Behar duzun guztietan errepika ezazu entzunaldi guztiak ikasi arte.
Jolasten hasteko klikatu hemen.

INDIAKO MUSIKA

2009-10-04T12:09:00.003+02:00

Indiako musika sortu nahi al duzu? Joku honekin musika berezi honetako soinuak ezagutuko dituzu.

Saia zaitez Indiako musika sortzen

Beethoven-en 5. sinfoniaren grafikoa

2009-09-17T21:42:00.004+02:00

Hona hemen youtuben aurkitutako bideo hau; bertan Beethoven konpositorearen 5.sinfoniaren grafiko bat agertzen da, non musika tresna bakoitzaren sarrerak, intentsitateak... grafikoki adierazten diren. Oso interesgarria iruditzen zait eta zuen gustokoa izatea espero dut, niretzat behintzat ikaragarri polita da!!

AGURRA ABESBATZARI

2009-06-18T17:49:00.004+02:00

ZORIONAK GUZTIOI ATZOKO KONTZERTUAGATIK, primerakoa izan baitzen. Ikaragarri ongi afinatu zenituzten abesti guztiak, tempo aldetik ere ez zen inongo desajusterik egon eta konzentrazioa orokorrean oso ona izan zen. Kurtso osoan zehar egin duzuen lana, atzoko 7 abestietan oso ongi isladatu zen. Egia da lan gogorra eta neketsua izan dela batzuetan, batez ere zati bat mila aldiz errepikaarazten nizuenean, ongi afinatuta ez zegoelako edo batera ez gindoazelako, baina oso pozgarria bestetan, kontzertuetan publikoa aho-zabalik uzten zenutenean bereziki. Benetan diotsuet oso harro sentitzen naizela zuen irakasle izateaz, ongi abesteaz gain oso talde polita sortzea lortu duzuelako. Eta ez dut eskutiz hau bukatu nahi atzoko detallea eskertu gabe, ze isilean eraman duzuen dena! Izugarri gustatu zitzaizkidan loreak eta kasi lortzen duzue denon aurrean emozionatzea. Milesker guztioi!!!

LASKORAINEKOAK ATARRABIAN

2009-06-12T19:44:00.008+02:00

Aurten, berriro ere, Laskorain Ikastolako Abesbatzakoak Atarrabiara etorri dira kontzertu bat ematera. Aurtengo emanaldia soinketalekuan izan da LHko ikasle guztiak sartu ahal izateko. Beti bezala, Laskorainekoek primeran egin dute eta abesti oso politak eskeini dizkigute. Guk abestutakoen artean Ready for story kantak txalo pilo bat jaso ditu, txikien artean bereziki. Norbaitek kontzertua beriro entzun nahi izatekotan ekainak 17an asteazkenean, arratsaldeko 20:00etan Sarasate Etorbidera (Tombola dagoen lekura) gerturatu daiteke. Argazkiak ikusteko klikatu hemen.

IKASTOLAKO ABESBATZA EGUNKARIAN

2009-06-11T19:53:00.005+02:00

Gaur Ikastolako Abesbatzari buruzko artikulo bat dator Diario de Noticias egunkarian. Artikuloak hiru zati ditu. Nire aitona, Luis Morondori buruzko biografia, neri egindako elkarrizketa eta abesbatzako partaide batzuei egindakoa.

"VIANA PRINTZEA" SARIA MUSIKARI BATENTZAT

2009-06-10T19:06:00.017+02:00

Atzo goizean Agustin Gonzalez Azilu musikari eta konposatzaileak "Viana Printzea" saria jaso zuen Leireko Monastegian. Iaz Alfredo Landa aktoreari eman zioten.

Gonzalez Azilu Altsasun jaio zen 1929an. Iruñean ikasi zuen Luis Taberna organojolearekin eta Fernando Remacha konposatzailearekin. Ondoren Madrilera joan zen musika ikasketak jarraitzera. 1960an XVII. mendeko nafar konposatzaileei buruzko ikerketa lan bat egin zuen beka bati esker. Geroxeago Europako beste herri batzuetan ibili zen, Parisen adibidez. Hainbat sari irabazteaz gain Madrilgo Goi mailako Kontserbatorioan eta Iruñeako Pablo Sarasate Kontserbatorioan, besteak beste, armoniako irakasle lana burutu du. 80 urte izan arren, konposatzen jarraitzen du; oraingo honetan dirudienez, opera bat du eskutartean.

TXIRULA AZTERKETA PRESTATZEKO

2009-06-05T20:49:00.006+02:00

Hemen dituzue datorren asteko azterketan sartuko diren bi abestiak. Ea bideo hauek laguntzen dizueten ikasten. Eskertu nahi diet Nikolas, Maite eta Ireneri hartu duten lanarengatik.

FESTA BATETARA GONBIDATUAK ZAUDETE

2009-05-31T17:56:00.014+02:00

The Royal House of England and the King Jorge II invite to the students of the Paz de Ziganda Ikastola to the party that will celebrate in Green Park the 27 of April of 1749.

Hona hemen Jorge IIak, Inglaterrako erregeak, Akisgrango Bakea ospatzeko Paz de Ziganda Ikastolako ikasleei bidalitako gonbidapena. Gerra luze baten ondoren pozik hartu dute ingelesek pakea, eta ohitura den bezala, erregeak gorteko musikariari, G.F. Haendeli, konposizio berezi bat eskatu dio ospatuko duen festan jotzeko. Haendelek Music for the Royal Fireworks (Su Artifizialetarako Musika) musika lana konposatu du.

Batenbatek burua galdu dudala usteko du... lasai, ez dudala uste XVIII. mendean bizi garenik. Besterik gabe, nire imaginazioa hegan egiten utzi dut...

Baina errealitatera itzulita, esango dizuet, 1749ko apirilaren 27an Londresen egindako festa horretan inork ezin izan zuela Haendelen suite osoa entzun. Dirudienez gonbidatuek harrapaladan ihes egin behar izan zuten Green Parken sute handi bat sortu zelako su artifizialen ondorioz.
Batenbatek etxean ikasteko orduan erritmoarekin zailtasunak zituela esan zidanez, entzunaldi honekin laguntzea espero dut. Ez zaitezte saiatu txirularekin batera jotzen beste tonalitate batean baitago.

LA LISTA DE SCHINDLER PELIKULAREN MUSIKA

2009-05-25T21:35:00.005+02:00

La lista de Schindler, Steven Spielbergek 1993an zuzendutako pelikula bat da. Bertan, Oskar Schlindler, Holokaustoan poloniako mila judutar inguru salbatu zituen enpresari alemaniarraren biografia kontatzen da. Nazien Alderdiaren partaide honek, Polonian, frabrika bat sortu zuen eta lanesku merkea izateko Cracoviako ghettotik langile judutarrak lortu zituen. Denborarekin, judutarrekin egiten ziren astakerietaz oharturik, bere fabrikan lan egingo zuten judutarrak erostea erabaki zuen, heriotzatik ahalik eta gehien libratzearren. Horren ondorioz, Schindlerrek bere dirutzaren zati handi bat galdu zuela diote.
Pelikula honetako musikak oskar bat irabazi zuen 1993an eta John Williamsek konposatu zuen. Askori konposatzaile honen izena ezaguna egingo zaizue. Nork ez du Harry Potter, Indiana Jones, Superman, La guerra de las galaxias eta Parque Jurásico pelikuletako musika noizbaitean entzun? Pelikula hauen musika ere Williamsena da. Izen hau beraz, ikasi behar diren hoietako bat da.
Hona hemen beste bideo bat, oraingo honetan Katica Illenyi bibolinjolearekin.

ABESBATZA AMMA MUTILBAN

2009-05-22T19:46:00.007+02:00

Gaur arratsaldean Ikastolako Abesbatzakoak bisitan joan gara Amma Mutilba zaharretxera. Heldu garenerako agure guztiak genituen zai, eta hasiera batean nahiko moztuak bageunden ere, lehenengo aldia baitzen horrelako publikoaren aurrean abesten genuela, gero oso gustora sentitu gara eta oso lasai abestu dugu. Hainbeste gustatu zaie, kontzertua errepikaarazi digutela eta poz pozik jarri dira batzuk berriro eszenatokira igotzen ikusi gaituztenean. Kontzertua bukatu denean, agure batzuekin hitzegiteko aukera izan dugu eta beraiekin argazkiak atera ditugu. Abesbatzako batzuk ere, agureak bere logelatara lagundu dituzte kontzertua amaitzerakoan. Esperientzia polita eta aberasgarria iruditu zait, bai haiendako eta baita guretzako ere. Datorren ikasturtean errepikatzea espero dut.

Argazkiak ikusteko klikatu hemen.

ABESBATZA TOLOSAN

2009-05-20T20:44:00.008+02:00

Gaur goizean Ikastolako Abesbatzakoak Tolosara joan gara kontzertu bat ematera. Goizeko bederatzietan Laskorain Ikastolara abiatu gara, ze pozik zeuden batzuk klaseak galdu behar zituztelako. Hara ailegatu eta Laskorainekoek 5 abestietako emanaldi bat eskaini digute; jarraian Paz de Zigandakoek beste 5 abesti kantatu ditugu. Eta badakizue, kontzertu on baten ondoren, hamaiketako on bat. Ze nolako txistorra bokatak!!! Denak errepikatzeko gogoekin gelditu gara (denak, denak... esateko modu bat da, baten batek bi bokata lortu baititu, ezta?). Pena izan da Laskorainekoek klaseak zituztela eta 12:00ak aldera joan behar izan dutela, baina hantxe gelditu gara Paz de Zigandakoak lasai majo Ikastolako patioan. Eguraldi ezin hobea izan dugu jolasean eta tertulian egoteko. Belardi txiki batean bazkaldu, gauzak bildu eta Ikastolara itzuli gara, egun zoragarri bat pasa ondoren.

Argazkiak ikusi nahi badituzue klikatu hemen .

HE & PZ

2009-05-11T22:01:00.008+02:00

HE & PZ, musika talde berriren bat edo??? Ba ez! Seguruenik batenbatek asmatu duela iadanik izenburu honen esanahia: Hilarion Eslaba musika eskolako metal eta perkusio taldea eta Paz de Ziganda Ikastolako abesbatzaren batura. Zer dela eta?, pentsatuko du despistaturen batek... Maiatzak 8an, Paz de Ziganda Ikastolan bi talde hauek kontzertu bat emateko elkartu zirelako arratsaldeko bostetan. Lehenik Ikastolako abesbatzak 5 abesti kantatu zituen, hoien artean, Niska Banja, El Rey león... Ondoren Hilarion Eslabakoek jo zuten, abestirik ezagunena Piratas del Caribe izan zelarik. Bukatzerakoan jantokian lunch txiki bat egon zela esan didate, pena galdu nuela presa handia bainuen.

Kontzertuko argazki guztiak ikusi nahi badituzue klikatu hemen.

LUIS MORONDO, GIZON PAREGABEA

2009-05-10T21:57:00.005+02:00

Ostiralean, Luis Morondoren jaiotzaren urteurrena zela ospatzeko homenaldi polit bat egin zen Baluarten, non bere bizitza azaltzen zuen bideo bat jarri zen eta berak sortutako abesbatzak kontzertu bat eman zuen.
Bere bizitzaren laburpen txiki bat egingo dizuet, berataz zertxobait jakiteko.
Luis Morondo Urra, Garesen 1909ko maiatzak 9an jaio zen eta Iruñean 1983an hil zen. Musika ikasketak Iruñean hasi, eta Bilbon jarraitu zituen. 14 urterekin Gareseko Orfeoia zuzentzen hasi zen eta 19 urte zituela, Castro-Urdialeseko abesbatzako zuzendari izateko oposaketak irabazi zituen. Abesbatza honekin 10 lehiaketetara aurkeztu eta horietako 8tan 1go saria jaso zuen eta beste bietan 2. eta 3. sariak lortu zituen.
Iruñeara itzuli zenean, Santa Cecilia orkestrako zuzendaritza hartu zuen eta 18 urtez 300 kontzertu inguru eman zituen. Honekin batera, Iruñeako Orfeoiako zuzendari ordea izendatu zuten. Baina 1946a izan zen bere proiektu nagusienari hasiera eman zion urtea: Abesbatza berri bat sortu zuen, Iruñeako Ganbara Korala. Abesbatza honekin Europa, Amerika eta Afrikan barna ibili zen kontzertuak ematen eta urte gutxitan munduko festibal eta antzoki garrantzitsuenetan parte hartzea lortu zuen: Buenos Aireseko Kolon Antzokian, New Yorkeko Metropolitan Housen, Vienako Konzerthausen, besteak beste. 100 disketatik gora grabatu zituen, RTV, Philips, Columbia… zigiluekin.
1983an, hil ondoren, Iruñeako Udalak homenaldi bat antolatu eta Iruñeako urrezko domina eman zion.
Iruñean eta Castro-Urdialesen kale bat dago bere izenarekin, Garesen enparantza bat eta Barañaingo Musika Eskolak bere izena darama.

Batzuk jakingo duzuen bezala, Luis Morondo nire aitona zen; honek pista handia emango dizue musikarekiko zaletasuna nondik datorkidan asmatzeko.

NON DAGO DIDO?

2009-04-27T19:50:00.015+02:00

Ziur naiz denok ezagutuko duzuela Wallyren jokua. Kasu honetan Wally edo Dido aurkitu beharrean, Didori buruzko informazioa lortzen saiatuko gara.
Gaur egun, denok entzun dugu noizbaiten Dido abeslariaren izena. Gehienek ezagutuko duzue Eminem raperoak bere abestietako zati bat sampletu zuenetik fama handia lortu zuelako: Thank you abestiari buruz ari naiz, noski. Bideoa ikusteko klikatu hemen. Ezagutzen zenuten, ezta?

Baina, nondik dator Dido izena? Dakigunez, Kartagoko erregina bat izan zen eta erromatarren garaiko Virgilio olerkilariak La Eneida liburuan bere bizitza deskribatzeaz gain, bere heriotzaren bertsio bat eman zuen. Virgiliok dioenez, Didok bere buruaz beste egin zuen, Eneas, Troya sortzera abiatu zenean, ezin baitzuen bera gabe bizi. Horrelako trajedia bat primeran etorri zitzaion Henry Purcell konposatzaile barrokoari bere opera Dido eta Eneas (1689) sortzeko.
Bideo honetan Dido, hil aurretik, bere neskamea Belindataz agurtzen entzungo dugu. Zati hau musikaren historiaren gailurrenetako bat bezala kontsideratua dago (musika lengoaia eta ingelerako testua jarraitzeko erabil dezakegu).

Hau entzutean ezer ere ez sentzitzeko kapazak izan bazarete (goiko sol hori ematen duenean bereziki) edo Karatagoko erregina bezala hilda zaudete edo datorren urtean, bizitzak zertxobait gehio irakatsi dizuenean, frogatu beharko duzue.

ABESBATZAK KAMISETAK ESTREINATU DITU

2009-04-26T20:54:00.012+02:00

Gaur goizean, ariketa osagarrien eguna zela eta, Ikastolako Abesbatzak kontzertu bat eskeini du Haur Hezkuntzako edifizioan. "Look" berriarekin atera dira kantatzera, DBH 3Cko Oihane Amezketak diseinatutako kamisetekin. Luis Notariok lagundu ditu pianoarekin eta abestietako batean, DBH 4Bko Patxi Erdozainek ere jo du. Kike Unzuk, LH 5Bko ikasleak, "Los chicos del coro"abestiaren soloa abestu du eta guraso guztiak aho zabalik utzi ditu.

ZORIONAK DENOI, lan izugarria egin baituzue kontzertu honetarako!!!

Hona hemen gaurko kontzertuaren bideo eta argazki batzuk:

FIGARO, FIGAR0, FIIIIIIGARO!!!

2009-04-19T21:56:00.011+02:00

FIGARO, NOR OTE? Aurten entzungo dugun lehenengo operaren protagonista da. Opera honen izenburua Sevillako bizargina da, Gioacchino Antonio Rossini-k (1792-1868), musikagile italiar erromantikoak, konposatu zuen operarik famatuenetako bat.

Opera honetan, Rosina, neska aberats eta umezurtz bat, bere tutorearen, Bartoloren giltzapean dago. Bartolok berarekin ezkontzeko asmoa dauka, baina Rosina Almaviva kondeaz maiteminduta dago. Figaro bizarginak, Rosina eta Almavivaren maitasuna bultzatuko du, bien arteko topeketak antolatuz.

DBH 3. mailakoek dakizuen bezala, bihar Musika Barrokoarekin hasiko gara eta ezinbestekoa izango zaigunez operari buruz hitzegitea, hona hemen bideo berezi batzuk, nahiz eta barrokoak ez izan.

BIOLA PIKUTARA!

2009-04-01T20:13:00.005+02:00

Hau da Yuri Bashmet-i, gaur egungo biolista famatuenetako bati, kontzertu batetan gertatutakoa. Ze nolako faena!

LAND OF HOPE AND GLORY

2009-03-30T21:57:00.017+02:00

Pompa y circunstancia Edward Elgar-rek (1857-1934) konposatutako bost martxek osatzen duten musika lana da. Horietatik lehenengoa da ezagunena, "Land of Hope and Glory" deiturikoa. Martxa hau askotan ekitaldi garrantzitsuetarako erabilia izan da. Inglaterran, Eduardo VIIaren koroazioan jo zuten eta bat baino gehiagotan himno bezala erabili dute. EEBBetan aldiz, graduazioetarako himno nagusienean bilakatu da.

Mundu honetan bizi bazarete ezinezkoa da musika lan hau entzuna ez izatea. Dena den, hodeietan bizi den norbait denok ezagutzen dugunez gero, hemen duzue aukera abesti famatu hau entzuteko.

"PIRATAS DEL CARIBE"

2009-03-25T20:40:00.013+01:00

Ezagutzen al duzue pelikula honetako musika inoiz entzun ez duen norbait? Ziur naiz, denek noizbeitean, abesti famatuena behintzat, entzun duzuela. Egun hauetan DBH 3. mailakoek "La perla negra" txirularekin joko dute. Ea abestia ezaguna izanda, gehiago jotzen duzuen etxean!!! Nahi duenak, "entzunaldiak" estekan sartuz edo hemen klikatuz entzun dezake.
Gehienek hiruetako pelikularen bat ikusia izango duzuenez bideo desberdin bat jarri dizuet.

2008-06-16T09:38:00.004+02:00

LEHEN HEZKUNTZA BIGARREN MAILAKO NESKA-MUTILEN KONTZERTUA
Ekainaren 11an eta 12an Lehen Hezkuntza lehenengo zikloko ikasleek Haur Hezkuntzako eraikinean kontzertua egin zuten. Ikasturtean zehar ikasitakoa HHko haurrei eskeini zieten.

IKASTURTEKO AZKEN KONTZERTUA

2008-06-08T20:11:00.009+02:00

Ostiralean Paz de Ziganda Ikastolako Abesbatzak ikasturteko azken kontzertua eman zuen Iruñean. Euria ari bazuen ere, teknikariek emanaldia suspenditzearen erabakia azken momenturarte utzi zuten eta zorionez eguzkiak hodeiak baztertu zituen 7:30ak aldera.
Ikasleek primeran abestu zuten eta jendea oso gustora egon zen entzuten.

ESKUEKIN EGINDAKO MUSIKA

2008-06-02T12:24:00.000+02:00

Music with hands

HAUR HEZKUNTZAKO HAURRAK MUSIKAN

2008-05-28T16:40:00.004+02:00

ASTEBURURAKO KONTZERTUAK

2008-05-28T11:17:00.001+02:00

Dkuajo	28/05/08	Akelarre	Pamplona / Iruña	21:00	Desconocido
Escuela de Música de Artsaia	29/05/08	Animals	Villava / Atarrabia	21:00	Desconocido
Hoey & The Mussels	29/05/08	Terminal	Pamplona / Iruña	22:00	Gratis
DJ Yari + DJ Javitron + DJ Javico	30/05/08	Sala Tótem	Villava / Atarrabia	Desconocida	Desconocido
Adrian Wolfux	30/05/08	La Traca	Pamplona / Iruña	Desconocida	Desconocido
Jorge Sánchez (cantautor cubano)	30/05/08	Reciclarte	Pamplona / Iruña	21:00	Desconocido
Koma + Kaotiko + No Relax + Trece Forajidos + Besterik Gabe	30/05/08	Instalaciones Deportivas	Viana	21:30	12€ ant. 15€ taq.
Ion Ulecia & La Cantina Bizarro	30/05/08	Black Rose	Burlada / Burlata	22:00	Gratis
Gatillazo + La Prima Janis + Mortadelia	30/05/08	Carpa Plaza Eguzki	Mutilva Alta / Mutiloagoiti	22:30	Gratis
Innerve	30/05/08	Singular Club	Pamplona / Iruña	22:30	Desconocido
Peter Hook (New Order)	30/05/08	Doblerre - Reverendos	Pamplona / Iruña	23:00	Desconocido
Mikel Urdangarin	31/05/08	Lur	Elizondo	Desconocida	Desconocido
Noche Kube & Friends	31/05/08	Kube	Tafalla	Desconocida	Desconocido
Mombo	31/05/08	La Traca	Pamplona / Iruña	Desconocida	Desconocido
	31/05/08	Artsaia	Aizoáin	1 horas	Desconocido
Keltiar Aldea	31/05/08	Plaza	San Martín de Unx	20:00	Desconocido
Muerte al Papa y al Gobernador-ena	31/05/08	Peña Euskal Herria	Burlada / Burlata	22.30	Desconocido
Enblanco	31/05/08	Sala Black Rose	Burlada / Burlata	22:00	Desconocido
El Puchero del Hortelano	31/05/08	Tótem	Villava / Atarrabia	22:30	10€ ant. 12€ taq.
Noos Trio	31/05/08	Onki Xin	Pamplona / Iruña	24:00	Gratis
Txaranga Malatxo	31/05/08	Animals	Villava / Atarrabia	24:00	Desconocido

LASKORAIN ETA PAZ DE ZIGANDAKO ABESBATZEN ELKARTRUKEA

2008-05-24T15:04:00.019+02:00

Azkeneko bi aste hauetan Tolosako Laskorain eta Paz de Ziganda ikastoletako abesbatzakoek bi topaketa egin ditugu Tolosan eta Atarrabian. Oso esperientzia polita eta aberasgarria izan da bientzat, baina batez ere guretzat, Nafarroatik ateratzen ginen lehenengo aldia baitzen. Datorren urtean ateraldi hauek errepikatzeko asmoarekin gelditu ginen bi zuzendariak.

Paz de Zigandakoak oraindik ez dugu kurtsoa amaitu eta seguraski, ekainean Caritasek urtero Paseo Sarasaten antolatzen duen Tombolan kontzertu bat emango dugu. Oraindik eguna eta ordua konfirmatu gabe daude. Zerbait gehio dakigunean abisatuko zaizue.
Asteazkeneko kontzertuko argazkiak ikusteko klikatu hemen.

ENTZUNALDIAK

2008-05-19T21:48:00.001+02:00

Entzunaldi farregarri batzuk entzun nahi badituzue eskuinaldean duzuen mp4a klikatu ezazue.

METALEN BOSKOTE BAT BALLETA DANTZATZEN

2008-05-19T21:16:00.003+02:00

ASTEBURURAKO KONTZERTUAK

2008-05-19T10:35:00.002+02:00

Cesio	23/05/08	La Traca	Pamplona / Iruña	Desconocida	Desconocido
budin (saikoba)	23/05/08	Nicolette	Pamplona / Iruña	Desconocida	Desconocido
Nira + ISH-X	23/05/08	Casa de la Juventud	Pamplona / Iruña	18:00	Desconocido
Inerve	23/05/08	Reciclarte	Pamplona / Iruña	21:00	Desconocido
Falsa Alarma	23/05/08	Artsaia	Aizoáin	22:00	12€ / 15€
La Prima Janis	23/05/08	Black Rose	Burlada / Burlata	22:00	Gratis
Xabel Vegas	23/05/08	Singular Club	Pamplona / Iruña	22:30	Desconocido
El Desagüe	23/05/08	O´Connors	Pamplona / Iruña	23.30 horas	Desconocido
Lollypop (Vogue, Granada)	23/05/08	Doblerre - Reverendos	Pamplona / Iruña	23:00	Desconocido
El desagüe	23/05/08	O'Connor's	Pamplona / Iruña	23:30	Gratis
El Portal de Jade + Censurados	24/05/08	Artsaia	Aizoain	Desconocida	Desconocido
Alain + landerground. Vocal live act	24/05/08	Nicolette	Pamplona / Iruña	Desconocida	Desconocido
Alex Cue	24/05/08	La Traca	Pamplona / Iruña	Desconocida	Desconocido
Noche Only Kube	24/05/08	Kube	Tafalla	Desconocida	Desconocido
Lur d Jotak	24/05/08	Lur	Elizondo	01:00	Desconocido
	24/05/08	Artsaia	Aizoáin	1 horas	Desconocido
Keltiar Aldea	24/05/08	Frontón	Burgi	13:00	Desconocido
Karatekas + La Lengua de Trapo + Sorkun & Vicepresidentes	24/05/08	Peña Euskal Herria	Burlada / Burlata	22:30	Desconocido
Sorkun&vicepresidentes	24/05/08	Maiatza Roc	Burlada / Burlata	23:00	Desconocido
O-X Band	24/05/08	Onki Xin	Pamplona / Iruña	24:00	Gratis

ASTE HONETARAKO MUSIKA KLASIKOKO KONTZERTUAK

2008-05-19T10:27:00.005+02:00

Royal Scottish National
Orchestra eta Nicola Benedetti, asteazkenean

Principado de Asturiasko Orkestra Sinfonikoa ostegunean eta ostiralean

MUSIKA EDITORE ERREZ BAT

2008-05-18T21:17:00.019+02:00

ZUEK KONPOSATUTAKO MUSIKA IDATZI ETA ENTZUN NAHI AL DUZUE?

Hona hemen Finalek ikasleentzat egokitu duen musika editore bat, Finale Not ePad. Oso erraza da deskarga egitea; korreo kontu bat behar duzue eta deskargatzeko pausoak jarraitu. Erabilpena ere oso erraza da, baita musika ez dakitenentzat ere.

PACHELBELEN KANONA KITARRAREKIN

2008-05-18T20:28:00.001+02:00

EUROPE TALDEAREN ABESTI BAT BIOLONTXELOEKIN???

2008-05-18T20:14:00.003+02:00

MOZART PATINETAN

2008-05-18T14:20:00.002+02:00

TUTUEKIN ERE MUSIKA EGIN DAITEKE!

2008-05-18T14:10:00.005+02:00

ZINE MUTUKO FILMETAKO MUSIKA!

2008-05-18T13:48:00.007+02:00

Ostiral goizean, DBH 3. mailakoekin Gayarre Antzokira joan ginen zine mutuko filmetako musika entzutera. Gehiago jakiteko klikatu hemen.

2008-04-28T16:42:00.004+02:00

Erdi Aroko intrumentuak lantzeko power point bat duzue hemen.

| View | Upload your own

IKASTOLAKO ABESBATZAREN KONTZERTUA

2008-04-21T19:16:00.004+02:00

Datorren igande goizean, apirilak 27, Paz de Ziganda abesbatzak kontzertu bat emango du ikastolako Haur Hezkuntzako eraikuntzan. Beste batzuen artean "Los chicos del coro" pelikularen abesti bat kantatuko dugu. Ordua oraindik zehaztu gabe dago, baina aste honetan zehar zirkular bat jasoko duzue ekintza guztien ordutegiarekin.

DENAK GONBIDATUAK ZAUDETE!!!

"ERDI AROKO ZALDUNTXOA" ABESTIA

2008-04-21T19:11:00.001+02:00

Gaur LH 2B taldeak Erdi Aroko abesti polit bat eskeini diete DBH 2B taldeko ikasleei. Nabaria da oso gustokoa dutela abestea eta nahiz eta hasiera batean lotxati xamar ibili diren izugarri ondo egin dute. Abestiaren bideoa ikus dezakezue.